პირველმა არხმა, რომელიც საქართველოს საზოგადოებრივი მაუწყებელი და ქვეყნის ისტორიაში პირველი ტელევიზიაა (მაუწყებლობს 1956 წლიდან) რებრენდინგის კამპანია 2016 წელს წამოიწყო. რებრენდინგის ერთ-ერთი უმნიშვნელოვანესი ელემენტი ახალი ონლაინ პლატფორმა იყო. პირველი არხის ამბიცია იყო ინტერნეტ სივრცეში ყველაზე სწრაფი და სანდო ინფორმაციის წყარო გამხდარიყო და შეექმნა ერთიანი მედია პლატფორმა, რომელიც საზოგადოების მეტ ინფორმირებულობას შეუწყოდა ხელს. ამის მისაღწევად კი გადამწყვეტი იყო როგორც ხარისხიანი და დროული ინფორმაცია, ისე ტექნიკურად გამართული პლატფორმა, რომელიც ხარვეზების გარეშე იმუშავებდა და მოსახერხებელ ინტერფეისს შესთავაზებდა მკითხველსაც და არხის მრავალრიცხოვან რედაქტორებსაც.    

Webintelligence-ის გუნდი რებრენდინგის საწყის ეტაპზევე ჩაერთო და შექმნა არხის ახალი კონცეფცია, დიზაინი და ვებ პლატფორმა WordPress-ზე; ასევე აქტიურად იყო ჩართული სერვერული ინფრასტრუქტურის შექმნაში. უკვე 2 წელია Webintelligence უწყვეტ ტექნიკურ მხარდაჭერას უწევს პირველ არხს – ზრუნავს პლატფორმის დახვეწაზე და ახალი მოდულების შექმნაზე.   

პირველმა არხმა და Webintelligence-ის გუნდმა შემდეგი ფუნქციონალის მქონე ახალი ონლაინ პლატფორმა შექმნეს:

• ინფორმაცია 7 ენაზე;
• 2 ტელევიზია (პირველი არხი და მეორე არხი, მაუწყებლობს 1991 წლიდან);
• 2 რადიო (საქართველოს რადიო და საქართველოს რადიო მუსიკა, მაუწყებლობს 1995 წლიდან);
• 5 სხვადასხვა თემატური სივრცე;
• ავტომატიზირებული აუდიო სიახლეები;
• ონლაინ ტრანსლირების გეოგრაფიული კონტროლი (geoblocking);
• მომხმარებლის ინტერესების მიხედვით პერსონალიზებული სიახლეების მთავარი გვერდი;      

პირველ არხს ბევრი საერთაშორისო და ეროვნული სპორტული, მუსიკალური თუ სხვა ღონისძიების საქართველოში ტრანსლირების ექსკლუზიური უფლება აქვს. 2017 წლიდან ონლაინ პლატფორმაზე 10,000-ობით მომხმარებელი ერთდროულად უყურებდა მსოფლიო საფეხბურთო ჩემპიონატს, ზამთრის ოლიმპიურ თამაშებს, ევროვიზიას, “ოსკარის” დაჯილდოების ცერემონიას და სხვა პოპულარულ ღონისძიებებს. ასეთ დატვირთვას ახალი პლატფორმის კოდმა და სერვერულმა ინფრასტრუქტურამ შეფერხებების გარეშე გაუძლო.

განახლებული პლატფორმის შედეგები

• ქართული ვებ-სივრცის რეიტინგში 106 პოზიციით დაწინაურება;
• 50,000-დან 100,000-მდე უნიკალური ვიზიტორი დღეში;
• 3-ჯერ გაზრდილი ნდობა საზოგადოებაში;